२३ र २४ गतेको रहस्य: के रवि लामिछानेको पत्रले आन्दोलनको दिशा मोडेको थियो? (विशेष रिपोर्ट)

नेपाली राजनीतिमा भदौ २३ र २४ गतेका घटनाक्रमहरू केवल संयोग थिए कि कुनै भयानक ‘ग्राण्ड डिजाइन’ का हिस्सा? बीबीसीको डकुमेन्ट्रीले प्रहरी दमनको पाटो त देखाएको छ, तर पर्दा पछाडिको त्यो ‘मास्टरमाइन्ड’ खेल अझै रहस्यकै गर्भमा छ।

१. भदौ २३ को त्यो ‘रात’ र जेलको पत्र

भदौ २३ गते राति, जब देश आन्दोलनको रापले तातेको थियो, नख्खु कारागारबाट रवि लामिछानेले एउटा पत्र लेखेका थिए। नीलो मसीले कोरिएको उक्त पत्रमा उनले आफ्ना समर्थक र सांसदहरूलाई स्पष्ट निर्देशन दिएका थिए— “मेरो हातमा हत्कडी लागे पनि तपाईंहरूका हातले फाइलहरूको धुलो टकटकाउनु होला… खोज्नुहोला, खोस्नुहोला!” कुनै पनि जिम्मेवार नेताले राज्यको फाइल ‘खोस्न’ आदेश दिनु के ‘देशद्रोह’ को मुद्दा बन्दैन र?

२. २४ गतेको आगलागी: संयोग कि आदेशको पालना?

रविले २३ गते राति ‘खोज्नु र खोस्नु’ भनेर पत्र लेख्छन्, र ठ्याक्कै भोलिपल्ट अर्थात् २४ गते ती फाइलहरू भएका सरकारी अड्डाहरू र संसद् भवनको आसपासमा आगजनी र तोडफोड हुन्छ। आगलागीमा परेर कयौँ महत्त्वपूर्ण फाइलहरू खरानी भए। के यो रवि लामिछानेको आदेशको कार्यान्वयन थियो? पत्रको त्यो ‘२३’ मितिलाई केरेर ‘२४’ बनाइनुले के लुकाउन खोजिएको छ?

३. आन्दोलन ‘हाइज्याक’ र मिराज ढुंगानाको खुलासा

यो आन्दोलन जेन-जी युवाहरूको भावनामा टेकेर कसरी ‘हाइज्याक’ गरियो भन्ने कुरा खोजकर्ता मिराज ढुंगानाले सार्वजनिक गरेको अडियो रिपोर्टले प्रस्ट पार्छ। उक्त अडियोमा आन्दोलनलाई हिंसात्मक बनाउने र राजनीतिक लाभ लिने दुई प्रमुख पात्रहरूको नाम र कार्यशैलीको पर्दाफास गरिएको छ।

🎧 विशेष अडियो यहाँ सुन्नुहोस्:👇👇https://drive.google.com/file/d/1WRyrdtXdV9BZm6pO0jtLzuVORPyv2GtG/view?usp=drivesdk

४. छानबिन आयोगको मौनता र चुनावी दाउपेच

गौरी बहादुर कार्की नेतृत्वको छानबिन आयोगले प्रतिवेदन सार्वजनिक गर्न ढिलाइ गर्नु र चुनावपछिको मिति तोक्नुले झनै आशंका बढाएको छ। यदि रास्वपा वा यसका नेतृत्व दोषी देखियो भने चुनावअघि नै पार्टीको भविष्य सकिने डरले कतै यो सत्य लुकाउन खोजिएको त होइन?

५. प्युठानको जनमतमा प्रभाव

यति ठूला घटनाक्रम सार्वजनिक भइरहँदा प्युठानको चुनावी माहोल पनि तातेको छ। इन्फोयात्राको पोलमा डा. गोविन्दराज पोखरेल (४२%) अगाडि भए पनि यी नयाँ खुलासाहरूले मतदाताको सोच परिवर्तन गर्न सक्ने देखिन्छ।

तपाईंको विचार के छ? के रवि लामिछानेमाथि देशद्रोहको मुद्दा चलाइनुपर्छ?

अहिले नै तलको पोलमा भाग लिनुहोस् र आफ्नो मत दिनुहोस्।